ბრიტანულმა ჟურნალმა "Glamourმა ყველაზე გემოვნებიანი ქალბატონების ტრადიციული რეიტინგი გამოაქვეყნა. ახალგაზრდა მსახიობი ემა უოტსონი, რომელიც ფართო აუდიტორიამ ფილმ "ჰარი პოტერში" ჰერმიონას როლით გაიცნო, რეიტინგში პირველ ადგილს იკავებს.
ემამ კრისტენ სტიუარტსა და შერილ კოულს გადაუსწრო, რომლებიც მას ფეხდაფეხ მოსდევენ.
მიუხედავად იმისა, რომ კრისტენ სტიუარტის ყოველდღიური ჩაცმულობა ბევრს არ ხიბლავს, წითელ ხალიჩაზე ის ყოველთვის უზადოდ გამოიყურება.
გემოვნებიანი ქალების რეიტინგში ასევე მოხვდნენ ჯენიფერ ენისტონი, ვიქტორია ბექჰემი, ჯესიკა ალბა, მაილი საირუსი, სარა-ჯესიკა პარკერი, ტომ კრუზისა და ქეთი ჰოლმსის მცირეწლოვანი ქალიშვილი სური კრუზი, ლეა მიშელე, ქეით მოსი, რიანა, დენი მინოუგი და რაოდენ გასაკვირიც უნდა იყოს, ლედი გაგაც კი.