ენრიკე იგლესიასის კონცერტს ბათუმში, "ევროპის მოედანზე" დაახლოებით რვა ათასი მაყურებელი დაესწრო. ათობით ათასი ბათუმელი და ბათუმის სტუმარი კი, შოუს ბულვარსა და თეატრთან დამონტაჟებულ ეკრანზე ადევნებდა თვალს. კონცერტს ესწრებოდა საქართველოს პრეზიდენტი მიხეილ სააკაშვილიც. 

ენრიკე იგლესიასმა ქართველი მსმენელისთვის 13 ჰიტი შეასრულა. მრავალათასიან აუდიტორიაში კი, ყველაზე მეტად 19 წლის თამუნას გაუმართლა. მსოფლიო მეგავარსკვლავმა ერთ-ერთი ჰიტის შესრულების დროს იგი სცენაზე აიყვანა და პირადად მისთვის იმღერა. 

პოპმუსიკის ვარსკვლავმა ძველ, კარგად ნაცნობ ჰიტებთან ერთად, სიმღერები ახალი ალბომიდანაც შეასრულა.
36-მეტრიან სცენაზე ესპანელი ვარსკვლავის გამოჩენამდე, ქართველი შემსრულებლები მღეროდნენ. კონცერტი გაიხსნა სტეფანეს და სამი გოგოს სიმღერით. რამდენიმე სიმღერა შეასრულეს სოფო ნიჟარაძემ და ჯგუფმა "ელდრაინი". 
ბათმუს ქუჩები კონცერტამდე და კონცერტის დროს თითქმის პარალიზებული იყო, გართულებული იყო მოქლაქეების გადაადგილება. 

ენრიკე იგლესიასმა ბათუმი წუხელვე დატოვა.